Sanjana Hebbalkar
आपल्या भारतात अनेक प्रकारचे सण साजरे केले जातात. प्रत्येक सणामागं काहीतरी कारण असतं त्याच प्रमाणे जैन समाजात देखील एक सण साजरा केला जातो.
पर्युषण पर्व असं त्या सणाचं नाव असून १२ सप्टेंबर ते २० सप्टेंबर हा सण सध्या जैन धर्मातील लोक साजरा करत आहेत.
हे पर्व जैनधर्मीयांसाठी महत्त्वाचं आणि पवित्र मानलं जातं. यामध्ये या सणादरम्यान लोक एकमेकांना अध्यात्माचा मार्ग अवलंबण्यासाठी प्रोत्साहित करतात. या सणाला क्षमापर्व असेही म्हणतात.
जैन समाज हा महावीर आणि जैन तीर्थकार यांच्या तत्त्वावर चालणार आहे. या पर्वाला जैन समाजात अतिशय महत्त्वाचं स्थान दिलं जातं
मिच्छामि दुक्कडम ही जी प्रथा आहे ती प्रामुख्याने हा पर्वात वापरली जाते. याच कारण म्हणजे वर्षभरात आपल्याकडून कळत-नकळत ज्या चुका झाल्या आहेत त्यांच्या चुकीबद्दल माफी मागितली जाते. यावेळीच 'मिच्छामि दुक्कडम' असं म्हणतात.
या पर्वाच्या आठ दिवसांमध्ये उपवास देखील केले जातात. जैन बांधव आठ दिवस अन्न-पाण्याचा त्याग करतात त्याला वास म्हणलं जात. वेगवेगळ्या प्रकारचे उपवास केले जातात.
या आठ दिवसांमध्ये जैन समाज कंदमुळे, कांदा-लसूण, पालेभाजी या गोष्टीचा त्याग केला जातो. याचदरम्यान गुरु महाराज यांच प्रवचन, कार्यक्रम देखील आयोजन केलं जातं.
आत्माशुद्धी हा या पर्युषण पर्वाचा मुख्य उद्देश्य असतो. या सणाची सांगता सवत्सरीमध्ये केली जाते.जिथे सर्व जैन बंधु एकत्र येतात.