Team Agrowon
नाशिकमधील त्र्यंबकेश्वर देवस्थान ट्रस्ट नेहमीच कुठल्या ना कुठल्या घटनेने चर्चेत असते. पुन्हा एकदा नव्या वादाला तोंड फोडले आहे.
बारा ज्योतिर्लिंगापैकी त्र्यंबकेश्वर एक आहेत. येथील महादेवाच्या दर्शनासाठी देशाभरातून दररोज हजारो भाविक येत असतात.
देवस्थान ट्रस्टने दोन वर्षांपूर्वी त्र्यंबकेश्वर मंदिरच्या गर्भगृहात पुरोहितांसह भाविकांना प्रवेशबंदी घालण्याचा निर्णय घेतला होता.
संत मंहतांनी विरोध केल्यानंतर देवस्थान ट्रस्टने हा निर्णय मागे घेतला
त्र्यंबकेश्वर येथे १३ मे रोजी रात्री दुसऱ्या धर्माच्या एका गटाकडून त्र्यंबकेश्वर शहरात यात्रा काढण्यात आली होती.
ही यात्रा मंदिर परिसरात थांबली. देवाला धुप दाखवू द्या, असा आग्रह त्या गटाने धरला. पुरोहितांनी त्याला विरोध दर्शविला.
त्र्यंबकेश्वर मंदिराच्या प्रवेशद्वारावर इतर धर्मियांना प्रवेश नसल्याचा फलक आहे. पुरोहितांच्या विरोधाचे तेच कारण होते.
या प्रकाराला ब्राह्मण महासंघासह अन्य हिंदु संघटनांनी पुरोहितांना पाठिंबा दर्शवल्याने वाद तापला आहे. त्यामुळे परिसरात तणावाचे वातावरण आहे