Team Agrowon
अनिल यांचे वडील संभाजीराव साबळे हे आधी पारंपरिक पद्धतीने हळद लागवड करायचे. परंतु यातून उत्पादन कमी मिळत होते.
त्यामुळे संभाजीराव साबळे यांनी २०१० पासून सुधारित पद्धतीने बेडवर हळद लागवड करण्यास सुरुवात केली.
तेव्हापासून त्यांना आधीच्या तुलनेत अधिक उत्पादन मिळण्यास मदत झाली.
यावर्षी अनिल यांनी सात एकरांमध्ये हळद लागवड केली आहे. मागील हंगामात केळी लागवड केलेल्या शेतामध्येच हळद लागवडीचे नियोजन केले जाते.
त्यानुसार केळीची झाडे आणि इतर काडीकचरा शेतामध्येच कुजवून घेतला जातो. त्यामुळे जमिनीत सेंद्रीय कर्बाचे प्रमाण वाढण्यास मदत होते.
योग्य नियोजनानुसार दरवर्षी एकरी साधारण २९ ते ३० क्विंटल हळद उत्पादन मिळते.