Team Agrowon
केंद्र सरकार दुग्धजन्य पदार्थ जसे की, लोणी आणि तूपाची मर्यादित आयात करण्याची शक्यता आहे.
याबाबतचे संकेत पशुसंवर्धन आणि दुग्ध विभागाचे सचिव राजेश कुमार सिंह यांनी बुधवारी (ता.५) पत्रकार परिषदेत दिले आहेत. त्यामुळे दूध उत्पादकांची चिंता वाढली आहे.
आधीच लम्पीच्या तडाख्यात सापडलेल्या दूध उत्पादकांची सरकार आयातीचा निर्णय घेऊन कोंडी करण्याची शक्यता आहे.
"उन्हाळाच्या पार्श्वभूमीवर दक्षिणेकडील राज्यातील दुधाचा साठा कमी पडण्याची शक्यता आहे. त्यामुळे केंद्र सरकार तूप आणि लोणी आयातीच्या दृष्टीने पाऊल टाकू शकते.
मर्यादित प्रमाणात लोणी आणि तुपाच्या आयतीला परवानगी देण्याचा सरकार विचार करत आहे." असे पशुसंवर्धन आणि दुग्ध विभागाचे सचिव राजेश कुमार सिंह म्हणाले.
लम्पी आणि कोविडमुळे देशात दुधाच्या मागणीत ८-१० वाढ झाली आहे. त्यामुळे केंद्र सरकार लोणी आणि तूप आयातीचा निर्णय घेण्याची शक्यता आहे. भारताने यापूर्वी २०११ मध्ये दूधजन्य पदार्थांची आयात केली होती.