Team Agrowon
राज्यात दिवसेंदिवस उन्हाचा पारा वाढत आहे.
कमाला तापमान ३८ अंशाच्या पार गेल्याने उकाडाही वाढला आहे.
दरम्यान, २९ मार्चला विदर्भात काही ठिकाणी विजा आणि मेघगर्जनेसह वादळी पावसाचा अंदाज हवामान विभागाने वर्तविला आहे.
राज्याच्या कमाल तापमानात चढ-उतार सुरूच असून, उकाड्यातही वाढ होत आहे.
२७ मार्चला अकोला, अमरावती व यवतमाळ येथे कमाल तापमान ३८ अंशांच्या पुढे होते.
उर्वरित राज्यात बहुतांश ठिकाणी कमाल तापमान ३२ ते ३७ अंशांच्या दरम्यान होते.
निफाड येथील गहू संशोधन केंद्रात किमान १०.५ अंश सेल्सिअस तापमानाचा नोंद झाली.