sandeep Shirguppe
भारताचे पहिले स्वदेशी अवकाशयान 'पुष्पक'ची सलग दुसऱ्यांदा यशस्वी लैंडिंग करण्यात आली आहे.
इस्रोने शुक्रवारी (ता. २२) कर्नाटकातील चित्रदुर्ग येथील विमान परीक्षण धावपट्टीवर 'पुष्पक'ची यशस्वी चाचणी घेतली.
रियुजेबल लाँच व्हेईकल लौंडग मालिकेतील हा दुसरा प्रयोग होता. मागील वर्षीच 'पुष्पक-१' (आरएलव्ही-एलईएक्स-१) मोहिमेनंतर 'पुष्पक-२' ची यशस्वी चाचणी घेण्यात आली.
भारतीय वायुसेनेच्या 'चिनूक' हेलिकॉप्टरमधून 'पुष्पक'ला पृथ्वीपासून साडेचार किलोमीटर अंतरावरून सोडण्यात आले.
आकाशात काही वेळ स्थिर झाल्यानंतर 'पुष्पक' यान विमानासारखे धावपट्टीवर उतरले.
आकाशातील आव्हानात्मक स्थितीत 'पुष्पक'ने स्वतःला नियंत्रित केले तसेच जमिनीवर धावपट्टीचा अंदाज घेत स्वयंचलित पद्धतीने अचूक लैंडिंग केले, असे 'इस्रो'कडून सांगण्यात आले.
स्वदेशीकरणाची प्रक्रिया पूर्ण या दुसऱ्या मोहिमेत 'इस्रो'च्या दिशादर्शन आणि नियंत्रण प्रणालीच्या यशस्वीतेवर पुन्हा शिक्कमोर्तब झाले आहे.
लैंडिंग गिअर आणि अवकाशातून परतणाऱ्या यानाच्या उच्च वेगाला स्वयंचलित लँडिंग करण्यासाठी आवश्यक असणाऱ्या प्रणालीचे स्वदेशीकरण पूर्ण झाले आहे.
'इस्रो' भविष्यात यापेक्षा दीडपट मोठ्या 'पुष्पक' यानाला अवकाशात पाठविणार आहे. असे संशोधकांकडून सांगण्यात आले.