Anuradha Vipat
दिवाळी अवघ्या काही दिवसांवर आली असून सणाआधी घर चकाचक करणे हे एक मोठे आव्हान असते.
धावपळीच्या युगात तासन्‌तास काम न करता, अवघ्या काही दिवसांत घर स्वच्छ करण्याचे ५ स्मार्ट उपाय खालीलप्रमाणे आहेत.
सगळे घर एकदम पसरण्याऐवजी 'रूम बाय रूम' नियोजन करा. पहिल्या दिवशी बेडरूम, दुसऱ्या दिवशी किचन अशा पद्धतीने काम विभागून घ्या.
कपाटे आणि ड्रॉअर्स साफ करताना 'थ्री-पाइल' पद्धत वापरा.
वापराचे कपडे/वस्तू: ज्या सध्या उपयोगात आहेत.
दुरुस्ती: ज्या वस्तू दुरुस्त करून वापरता येतील.
दान/फेकून देणे: ज्या वस्तू वर्षभर वापरल्या नाहीत, त्या गरजूला द्या किंवा टाकून द्या.
पांढरा व्हिनेगर आणि पाण्याचे मिश्रण स्प्रे करून जुन्या वर्तमानपत्राने पुसा, काचा चमकतील. बेकिंग सोडा आणि लिक्विड डिश सोप वापरून बाथरूमचे नळ घासल्यास पाण्याचे डाग लगेच निघतात.
झाडू मारताना किंवा धूळ झटकताना नेहमी वरून खाली या क्रमाने साफसफाई करा. आधी छताचे कोळी, पंखे आणि लाईट्स स्वच्छ करा. त्यानंतर कपाटे, खिडक्या आणि शेवटी जमीन झाडून पुसून घ्या.
आजकाल बाजारात अनेक स्मार्ट गॅझेट्स उपलब्ध आहेत. नोकरी करणाऱ्या महिला किंवा कमी वेळ असलेल्यांनी व्हॅक्युम क्लीनर किंवा रोबोटिक मॉपरचा वापर करावा.