Mahesh Gaikwad
देशासह महाराष्ट्रातही होळीचा सण मोठ्या उत्साहाने साजरा केला जातो. कोकणातही शिमगोत्सव साजरा केला जात आहे.
कोकणात गणेशोत्सवा पाठोपाठ शिमगोत्सव मोठ्या प्रमाणात साजरा केला जातो. सात ते आठ दिवस शिमग्याचा उत्सव चालतो.
वर्षभर कामानिमित्त मुंबईत राहणारे लाखो चाकरमानी शिमग्यासाठी कोकणात दाखल झाले आहे.
होळी उत्सवाने कोकणातील शिमग्याच्या उत्सवाला सुरूवात होते. या दरम्यान गावोगावी पालखी नाचविण्याचा सोहळा रंगणार आहे.
कोकणात अनेक गावांमध्ये घरोघरी पालखी नेण्याची पद्धत आहे. त्यामुळे गावांमधील वातावरण भक्तीमय झाले आहे.
याशिवाय प्रत्येक गावात शिमगोत्सवाच्या विविध प्रथा, परंपरा रूढ आहेत. या आठ दिवसांत विविध धार्मिक कार्यक्रमांचे आयोजन देखील केले जाते.