Anuradha Vipat
हवामानातील बदल, चुकीची सौंदर्यप्रसाधने किंवा प्रदूषण यामुळे संवेदनशील त्वचेवर लगेच लालसरपणा, खाज किंवा जळजळ होऊ लागते.
संवेदनशील त्वचेचे रक्षण करण्यासाठी आणि ती निरोगी ठेवण्यासाठी खालील खास टिप्स फॉलो करा.
कोणतेही नवीन उत्पादन चेहऱ्यावर लावण्यापूर्वी ते कानाच्या मागे किंवा हाताच्या त्वचेवर लावून २४ तास वाट पहा. जळजळ न झाल्यासच ते चेहऱ्यावर वापरा.
फेस वॉश निवडताना तो साबणमुक्त आणि सौम्य असावा. हा त्वचेचा नैसर्गिक ओलावा टिकवून ठेवतो.
चेहरा धुण्यासाठी किंवा अंघोळीसाठी कधीही जास्त गरम पाणी वापरू नका. कोमट किंवा थंड पाण्याचाच वापर करा.
चेहरा धुतल्यानंतर टॉवेलने त्वचा रगडून पुसू नका. मऊ सुती कापडाने चेहरा हलक्या हाताने टॅप करून सुकवा.