Swarali Pawar
राज्यात अनेक भागात अवकाळी पाऊस आणि गारपिटीचा फटका बसलाय. ज्वारी पिकाचं नुकसान झालं असलं तरी अजूनही काही उपाय करता येतात.
जर ज्वारी पक्वतेच्या अवस्थेत असेल तर हवामानाचा अंदाज पाहून लवकर काढणी करा. झोपलेली ज्वारी वाचवणं कठीण असतं, पण वेळेवर काढणी केल्यास नुकसान कमी होतं.
काढणीनंतर ज्वारी स्वच्छ आणि कोरड्या ठिकाणी साठवा. ओलावा राहिला तर दाण्यांची गुणवत्ता घसरते.
उशिरा लागवड केलेल्या ज्वारीचं नियोजन अजून करता येतं. ढगाळ हवामानात रोगांचा धोका वाढतो, त्यामुळे लक्ष ठेवा.
दमट हवामानात दाण्यांवर पांढरी, गुलाबी किंवा काळी बुरशी दिसते. यामुळे ५०% पर्यंत उत्पादन घटू शकतं.
दाणे काळ्या भुकटीत बदलतात, हा स्मट रोगाचा लक्षण आहे. ढगाळ आणि दमट हवामानात त्याचा प्रादुर्भाव वाढतो.
कार्बेन्डाझिम ३ ग्रॅम प्रति लिटर पाण्यात मिसळून फवारणी करा. किंवा कार्बेन्डाझिम + मँकोझेब २ ग्रॅम प्रति लिटर वापरू शकता.
लष्करी अळी दिसल्यास मेटारायझियम ५० ग्रॅम प्रति १० लिटर पाण्यात फवारणी करा. वेळीच उपाय केल्यास ज्वारीचं उत्पादन मोठ्या प्रमाणात वाचवता येतं.