Team Agrowon
करडई पिकाची मुळे जमिनीत तीन फुटांपेक्षा जास्त खोलवर जातात. त्या परिसरातील ओलावा व अन्नद्रव्ये शोषून घेतात.
अवर्षणप्रवण आणि कमी पावसाच्या परिस्थितीमध्ये हे पीक चांगल्या प्रकारे तग धरू शकते.
करडईची पानांची पूर्ण वाढ होतेवेळी मेणाचा थर असतो. त्याला कडेने काटे येतात. परिणामी झाडातील पाण्याचे बाष्पोत्सर्जन कमी होते. त्यामुळे करडई हे पीक जिरायती आणि अवर्षणप्रवण भागातही बऱ्यापैकी चांगले उत्पादन देऊ शकते.
करडई पिकास जमिनीत पुरेसा ओलावा असेल तर पाण्याची गरज भासत नाही.
फारच टंचाईच्या काळात पिकास एक ते दोन पाणीही पुरेसे होतात. म्हणजे पाणी कमी असल्यास एक एकर गव्हाच्या पिकाऐवजी आपण दोन-तीन एकर करडई घेऊ शकतो.
रब्बीमध्ये वारंवार गहू पीक घेतल्यामुळे जमिनीच्या फक्त वरील थरातील अन्नद्रव्ये वापरली जातात. मुळे खोलवर जाणारे करडईसारखे पीक उत्तम पर्याय आहे.
पाणी साचून राहिल्यास करडईच्या पिकास अपाय होतो. थोड्याफार चोपण जमिनीतही हे पीक येऊ शकते.