टीम ॲग्रोवन
या वर्षी खरीप मुगाचे उत्पादन (Mung Production)वाढेल, असा शासनाचा अंदाज आहे.
गेल्या वर्षी मुगाचे उत्पादन १.४८ दशलक्ष टन होते. या वर्षी ते १८ टक्क्यांनी वाढून १.७५ दशलक्ष टन होण्याचा अंदाज आहे.
यंदा देशातील प्रमुख बाजारपेठांमध्ये (Mung Market) आवक गेल्या वर्षीपेक्षा कमी आहे.
ऑगस्ट -सप्टेंबर २०२१ मध्ये ती २५४ हजार टन होती. यंदा ती २०९ हजार टन झाली आहे. राजस्थान व उत्तर प्रदेशमधील आवक वाढली
आवक घटल्याने मुगाच्या किमती सप्टेंबर महिन्यात वाढत्या राहिल्या. ऑक्टोबरमध्येही आवक घटली तर किमती चढ्या राहतील.
या सप्ताहात मूग व तूर वगळता सर्वच पिकांचे भाव घसरले. कापसाचे भाव ८.२ टक्क्यांनी घसरले, तर सोयाबीनमध्ये ४.१ टक्क्यांची घट झाली.
मूग गेल्या सप्ताहातील किमतीच्या पातळीवर होता, तर तुरीचे भाव २.५ टक्क्यांनी घसरले. कांदा व टोमॅटो यांच्या किमती आता वाढू लागल्या आहेत.
MCX मधील कापसाचे व कपाशीचे राजकोटमधील स्पॉट भाव (रु. प्रति १७० किलोची गाठी) ऑगस्ट महिन्यात वाढत होते. या महिन्यात मात्र ते घसरत आहेत