Team Agrowon
जगतगुरू तुकाराम महाराजांचा पालखी सोहळा सणसरचा मुक्काम आटपून सकाळी पंढरीच्या दिशेने रवाना झाला.
काल दुपारी बारामती तालुक्यातील काटेवाडीत मेंढ्याचा रिंगण सोहळा उत्साहात संपन्न झाला.
आज सकाळी इंदापूर तालुक्यातील बेलवडी येथे पालखी सोहळा न्याहारीसाठी विसावला. सोहळा गावात आल्यानंतर पालखीचे स्वागत करण्यात आला.
त्यानंतर काही वेळातच रिंगण सोहळ्याला सुरुवात झाली. डोक्यावर तुळशी वृंदावन घेतलेल्या महिलांनी परिक्रमा पूर्ण करीत होत्या.
त्यांच्यापाठोपाठ वाऱ्याच्या वेगाने मानाचे विणेकरी, झेंडेवाले धावले.
हरिदासांनी प्रदक्षिणा पूर्ण करून रिंगण सोहळ्यास चैतन्य प्राप्त करून दिले. यानंतर टाळ्यांचा कडकडाट झाला.
मानाच्या अश्वांनी डोळ्यांचे पाते लवते न लवते तोच गोल रिंगण पूर्ण करून तुकोबारायांच्या पालखीला प्रदक्षिणा घातली.
नेत्रदीपक रिंगणसोहळ्याने लाखो भाविकांच्या डोळ्याचे पारणे फेडले.