Animal Heat Stress : मानसांप्रमाणे जनावरांसाठीही वाढत तापमान घातक ; ही आहेत जनावरांतील उष्माघाताची लक्षणे

उन्हाळ्यात जनावरांना शरीराचे तापमान नियंत्रित ठेवण्यासाठी जास्तीची ऊर्जा खर्च करावी लागते. उष्णतेमुळे जनावरे लवकर थकतात. त्यांची भूक मंदावते.

उष्णतेमुळे जनावरांमध्ये उष्माघात दिसून येतो. उन्हाळ्यातील प्रखर सूर्यकिरणे आणि पाण्याच्या कमतरतेमुळे जनावरांना उष्माघात होतो.

जनावरांची तहान आणि भूक मंदावून ते अस्वस्थ होतात. त्यांच्या शरीराचे तापमान वाढते, धाप लागायला सुरुवात होते.

जनावरांच्या श्वासोच्छ्वासाचा दर वाढतो. जनावरांचे डोळे लालसर होऊन डोळ्यांमधून पाणी गळते.

उन्हाळ्यात जनावरांचे लघवीचे प्रमाण कमी होते. लाळ गळते, नाकातून स्राव येतो,

आम्लपित्ताचा त्रास होऊन पातळ जुलाब होतात. पचनक्रिया बाधित होते.

म्हशींमध्ये गायीच्या तुलनेत घामग्रंथींची संख्या कमी असते, त्यामुळे त्यांना उन्हाचा त्रास अधिक होतो. सोबतच म्हशीच्या कातडीत मॅलनीनच प्रमाणही जास्त असते.