Team Agrowon
बोरजवळा (ता.खामगाव) येथे आज गुडीपाडव्याच्या शुभमुहूर्तावर नाफेड अंतर्गत वन लक्ष्मी किसान प्रोड्युसर कंपनीच्या हरभरा खरेदी केंद्राचे उद्घाटन रविकांत तुपकर यांनी केले.
यावर्षी हरभऱ्याला खाजगी बाजारात हमीभावापेक्षा कमी भाव असल्याने नाफेडच्या खरेदीकडे शेतकऱ्यांचा ओढा आहे.
तुकाराम अंभोरे पाटील यांच्या वन लक्ष्मी किसान प्रोड्युसर कंपनीचे हे हरभरा खरेदी केंद्र परिसरातील शेतकऱ्यांसाठी आधार ठरणार आहे.
मागच्या वर्षीही या खरेदी केंद्रांने मोठ्या प्रमाणात खरेदी करून परिसरातील शेतकऱ्यांना मोठा आधार दिला होता.
यावर्षी शेतकरी बांधवांनी या खरेदी केंद्राचा मोठया प्रमाणात लाभ घ्यावा, असे आवाहन यावेळी rरविकांत तुपकर यांनी केले.
तसेच प्रथम विक्रीसाठी आलेले शेतकरी शंकरराव कऱ्हाळे यांचाही याप्रसंगी तुपकरांनी सत्कार केला. यावेळी परिसरातील गावातील सरपंच व शेतकरी मोठ्या संख्येने उपस्थित होते.