Team Agrowon
जागतिक पर्यावरण दिनाचे औचित्य साधून 'एक घर, एक झाड' या उपक्रमाचे आयोजन व त्याअंतर्गत केशर आंब्याच्या कलमांचे वितरण पुणे येथील राष्ट्रवादी कॉँग्रेस पक्ष कार्यालयात करण्यात आले.
वसुंधरा ट्री फाउंडेशन, मुंबई या संस्थेचे प्रणेते कृषिभूषण गोविंदराव पवार यांच्या संकल्पनेतून साकारलेल्या अत्यंत स्तुत्य अशा या उपक्रमास उपस्थित खा. शरद पवारांनी हजेरी लावली.
पर्यावरण संवर्धनासाठी संघटितपणे पुढाकार घेऊन अधिकाधिक वृक्षारोपण करण्याचा निर्धार यानिमित्ताने करूया, असे आवाहन पवारांनी उपस्थितांना केले.
पर्यावरणाचा समतोल राखणे व पर्यावरण हानी रोखणे ही आपल्या प्रत्येकाची जबाबदारी आहे.
पर्यावरण व पृथ्वीवरील जैवविविधतेच्या संरक्षणासाठी पुढाकार घेऊन पर्यावरणस्नेही शाश्वत विकासाच्या दिशेने मार्गक्रमण करण्याचा निश्चय करूया, असा संदेश पवारांनी समाजमाध्यमातून दिला.
पवारांनी यावेळी उपस्थित कार्यकर्त्यांशी संवाद साधला. तसेच विविध विषयांवर चर्चा केली.