Team Agrowon
राज्यात खरीप हंगाम तोंडावर आला असताना जनावरांमध्ये पुन्हा एकदा लम्पी स्किन आजाराचा प्रादुर्भाव झाल्याचे दिसत आहे.
लातूर जिल्ह्यात पुन्हा एकदा लम्पी स्किन आजाराने डोके वर काढले आहे. जिल्ह्यात पुन्हा एकदा लम्पीचा प्रादुर्भाव वाढताना दिसत आहे.
या वर्षाच्या मार्च महिन्यापासून आतापर्यंत सुमारे एक हजार २३६ जनावरांना लम्पीची लागण झाल्याचे समोर आले आहे. यामध्ये १४५ लम्पीग्रस्त जनावरांचा मृत्यू झाला आहे.
गेल्यावर्षी महाराष्ट्रासह देशातील अनेक भागात जनावरांमध्ये लम्पी रोगाची मोठ्या प्रमाणावर लागण झाल्याचे समोर आले होते.
लम्पीच्या नियंत्रणासाठी राज्याच्या पशुसंवर्धन विभागाकडून मोठ्या प्रमाणात जनावरांच्या लसीकरणाची मोहिम हाती घेण्यात आली होती.
मात्र, आता जनावरांमध्ये पुन्हा एकदा या रोगाची लक्षणे दिसण्यास सुरूवात झाली आहे. त्यामुळे पशुपालकांची चिंता वाढली आहे.
गेल्यावर्षी आलेल्या लम्पीच्या पहिल्या लाटेदरम्यान लातूर जिल्ह्यातील अनेक भागात जनावरांच्या लसीकरणाची मोहिम राबविण्यात आली होती.
लसीकरण न झालेल्या जनावरे लम्पीमुळे मृत्युमुखी पडत आहे. ज्यात वासरांच्या मृत्यूचे प्रमाण अधिक आहे.