Swapnil Shinde
यंदा मान्सूनच्या पावसाने उशीर केला. त्यातही १ जून ते ३१ ऑगस्ट या काळात राज्यातील अनेक भागात अपुरा पाऊस पडला.
शेतकऱ्यांनी पावसाच्या भरवशावर खरीपाच्या पेरण्या केल्या. पण पावसाने हुलकावणी दिल्याने हंगाम वाया जाण्याची शक्यता आहे.
देशात १० टक्के तूट आली आहे. दक्षिण भारत आणि ईशान्य भारतात आतापर्यंत सरासरीपेक्षा १७ टक्के कमी पाऊस पडला.
महाराष्ट्र, गुजरात, राजस्थान, कर्नाटक, आंध्र प्रदेश आणि तमिळनाडू या राज्यांमध्ये सरासरीपेक्षा कमी पावसाचा अंदाज हवामान विभागाने दिला.
त्यामुळे शेतकऱ्यांना सप्टेंबर महिन्यात समाधानकारक पावसाची अपेक्षा होती.
आयओडी सक्रिय झाल्याने देशात सप्टेंबर महिन्यात सरासरी पाऊस पडण्याचा अंदाज आहे, असे हवामान विभागाने म्हटले आहे.
हवामान विभागाने सप्टेंबर महिन्यात देशात सरासरी ९१ ते १०९ टक्के पाऊस पडेल, असा अंदाज व्यक्ते केला. पण महाराष्ट्रात सरासरीपेक्षा कमी पाऊस पडेल, असा अंदाज आहे.