Team Agrowon
सोयाबीनचे एमएयुएस-७२५ वाण महाराष्‍ट्र राज्‍याकरिता प्रसारित करण्‍यात आले आहे. हे वाण लवकर येणारे म्हणजेच ९० ते ९५ दिवसात तयार होते.
शेंगा जास्त प्रमाणात येतात. २०-२५ टक्के चार दाण्यांच्या शेंगा असलेले हे वाण आहे.
बियाणाचा आकार मध्यम असून १०० दाण्यांचे वजन १० ते १३ ग्रॅम आहे. हे वाण कीड व रोगास मध्यम प्रतिकारक आणि हेक्‍टरी उत्‍पादन क्षमता सरासरी २५ ते ३१.५० क्विंटल आहे.
करडई पिकांचे पीबीएनएस १५४ (परभणी सुवर्णा) वाण कोरडवाहू आणि बागायती लागवडीसाठी उपयुक्‍त आहे.
करडईच्या या वाणात तेलाचे प्रमाण अधिक म्हणजेच ३०.९० टक्के आहे. मर आणि अल्‍टरनेरिया रोग आणि मावा किडीस सहनशील आहे.
तुरीचे बीडीएन-२०१३-२ (रेणुका) हे वाण १६५ ते १७० दिवसात तयार होतो. हे वाण मर रोगास प्रतिकारक असून वांझ रोगास प्रतिबंधक आहे. या वाणाचे १०० दाण्याचे वजन ११.७० ग्रॅम आहे