Team Agrowon
अतिशय थंड गुणात्मक चंदन पित्तनाशक, आग कमी करण्यासाठी फायदेशीर ठरते.
औषध म्हणून पोटात घेण्यासाठी श्‍वेतचंदन वापरले जाते. लेप लावण्यासाठी रक्तचंदन उगाळून वापरले जाते.
उन्हात जास्त काळ राहिल्यामुळे चेहरा काळवंडतो आणि आग होते. अशावेळी चंदन, ज्येष्ठमध पावडर, अनंतमूळ यांचा लेप लावावा.
काही लोकांना उन्हाळ्यात आणि ऑक्‍टोबर हीटमध्ये नाकातून रक्त येते. अशावेळी १ ग्लास पाण्यामध्ये १/४ चमचा उगाळलेले चंदन घालून पिण्यास द्यावे.
जास्त ताप आल्यास चंदन आणि कापूर यांचा एकत्रित लेप कपाळावर लावावा. लेपामुळे दाह कमी होतो. तसेच डॉक्टरांच्या सल्ल्याने पोटात औषधे घ्यावीत.
लहान, नवजात बाळाला अभ्यंग (मालिश) करण्यासाठी चंदनाच्या तेलाचा उपयोग केला जातो.
चेहऱ्यावर तारुण्यपीटिका, उष्णतेचे फोड येत असल्यास, चंदन उगाळून फोडांवर लावावे.