Anuradha Vipat
घरीच इको-फ्रेंडली राखी बनवणे हा सणाचा आनंद द्विगुणित करण्याचा आणि निसर्गाचे रक्षण करण्याचा एक उत्तम मार्ग आहे.
या राख्या पूर्णपणे नैसर्गिक साहित्यापासून बनवल्या जात असल्याने त्या त्वचेसाठी सुरक्षित असतात आणि सण संपल्यानंतर पर्यावरणाला हानी पोहोचवत नाहीत.
पुठ्ठ्याचा एक छोटा गोलाकार किंवा चौकोनी तुकडा कापून घ्या. त्यावर डिंक लावा आणि तुमच्या आवडीनुसार तांदूळ किंवा रंगीबेरंगी डाळी आकर्षक आकारात चिकटवा. हा पुठ्ठा एका सुती लाल धाग्याच्या मध्यभागी चिकटवा. तुमची धान्याची सुंदर राखी तयार आहे.
हँडमेड पेपर किंवा कापडाचे दोन छोटे गोलाकार तुकडे कापा. एका तुकड्यावर हलका डिंक लावून त्यावर झाडांच्या बिया पसरवा. त्यावर दुसरा कापडाचा/कागदाचा तुकडा ठेवून कडा बंद करा. हे चक्र सुती धाग्याला जोडा. सण संपल्यानंतर ही राखी कुंडीत लावल्यास त्यातून सुंदर रोपटे उगवेल.
लोकरीचे किंवा मोळीचे १०-१२ पदर एकत्र करून वेणीसारखी घट्ट विण विणून घ्या. मधोमध कापसाचे छोटे गोंडे करून किंवा एखादा लाकडी मणी ओवून त्याला आकर्षक लूक द्या. ही राखी दिसायला अत्यंत पारंपरिक आणि सुंदर दिसते.
कागदाचे दोन छोटे गोलाकार तुकडे कापून घ्या. एका तुकड्यावर हलका डिंक लावून त्यावर झाडांच्या बिया पसरवा. त्यावर दुसरा कागदाचा तुकडा ठेवून कडा दाबून घ्या. हे चक्र सुती धाग्याच्या मध्यभागी चिकटवा.
मातीमध्ये थोडे पाणी घालून ती मळून घ्या. तिचा छोटा गोळा करून त्याला गोल, चौकोनी किंवा पानाचा आकार द्या. त्यावर सुईच्या मदतीने एखादी नक्षी काढा. माती सुकल्यानंतर त्यावर हळदी-कुंकवाचे किंवा इतर नैसर्गिक रंग द्या आणि धाग्याला जोडा.