Team Agrowon
जनावराला हिरवा, मऊ चारा आणि प्रथिनयुक्त ढेप द्या. सतत पाणी पिल्यामुळे जनावनर लवकर बरे होण्यास मदत होते.
ज्या जनावरांना पायासमोरिल पोळीवर, पायावर किंवा छातीवर सूज त्यांना मिठाच्या गरम पाण्यात सुती कापड बुडवून २ वेळा शेक द्या.
ज्या ठिकाणी सूज आलेली आहे तिथे बोरिक पावडर आणि ग्लिसरिन चा लेप तयार करुन सुजेवर सकाळ संध्याकाळ लावा.
नाकपुड्या स्वच्छ करण्यासाठी कोमट पाण्याने नाकपुडी स्वच्छ करावी. दोन्ही नाकपुड्या बोरोग्लिसरीन किंवा कोमट खोबरेल तेलात बोरीक पावडर मिसळून मीश्रण तयार करावे. या मिश्रणाचे चार -चार थेब नाकपुड्यात टाकावेत.
डोळ्यात व्रण असतील तर डोळ्यातून पाणी येते. पुढे पांढरेपणा येतो. त्यासाठी डोळे बोरिक पावडरच्या द्रावणाने धुवावेत किंवा कोमट पाण्याने स्वच्छ करा.
प्राण्यांना जखमा झाल्यास ०.१ टक्के पोटॅशिअम परमॅग्नेट च्या द्रावणाने धुवाव्यात. त्यानंतर या जखमावर टिंक्चक आयोडीन लावा. त्यानंतर मॅग्नेशियम सल्फेट व ल्गिसरीनचे मिश्रण लावून बॅंडेजने हुळूवारपने बांधा.