Team Agrowon
लम्पी स्कीन आजाराचा प्रसार प्रामुख्याने कीटकांद्वारे होतो. हे लक्षात घेऊन गोठ्याची स्वच्छता ठेवावी.
अति थंड, अति आर्द्र तसेच अति पाऊस इत्यादी वातावरणातील बदलांमुळे वासरांच्या शरीरावर ताण येऊन प्रतिकारशक्ती कमी होते.
नवजात वासराचे प्रतिकूल वातावरणापासून संरक्षण करावे.
वासरांचा गोठा व परिसर स्वच्छ करून सर्व कचरा गोळा करून जाळून टाकावा. गोठ्याचा पृष्ठभाग फ्लेमगनने जाळून घ्यावा, जेणेकरून कीटकांची नवीन उत्पत्ती रोखता येईल.
नवजात वासरांना पिसवांचा प्रादुर्भाव आढळून आल्यास गोठा स्वच्छ करून घ्यावा. ४ टक्के मिठाच्या द्रावणाची गोठ्याची फवारणी करावी.
ज्या ठिकाणी जनावरांचे शेण साठवले जाते, त्या जागेवर पॉलिथिन शीटने आच्छादित करावे. त्यामुळे कीटकांचा प्रादुर्भाव वाढणार नाही.