Roshan Talape
मिनी स्प्रिंकलर्स ही शेतीत वापरली जाणारी कार्यक्षम अशी छोटी सिंचन प्रणाली आहे. ही सिंचन प्रणाली शेती पिकांना पावसाप्रमाणे पाणी देण्यासाठी मदत करते.
मिनी स्प्रिंकलर्स आधुनिक कृषी सिंचन पद्धतीपैकी एक आहे. ही पद्धत पाणी संवर्धनासोबत शेतातील पिकांची उत्पादकता वाढवण्यासाठी फायदेशीर ठरते.
या सिंचन प्रणालीमुळे पिकांना एकसमान पाणी देता येते, तसेच पिकांवर जास्त पाण्याचा ताण येत नाही आणि पिकांना योग्य प्रमाणात पाणी मिळते.
मिनी स्प्रिंकलर्स या सिंचन प्रणालीच्या माध्यमातून एका ठिकाणावरुन शेतातील पुर्ण पिकावर पाणी पोहचविण्यासाठी उपयोगी ठरते.
मिनी स्प्रिंकलर्समुळे पाण्याचा वापर कमी प्रमाणात होऊन मातीची धूप कमी होते.
पारंपारिक सिंचन प्रणालींच्या तुलनेत ही प्रणाली कमी पाणी वापरते. कारण यातून थेट जमिनीत आणि पिकांवर पाणी पोहोचते. ज्यामुळे बाष्पीभवन आणि पाण्याची गळती कमी होण्यास मदत होते.
एका रांगेतील पिकांसाठी म्हणजेच भाजीपाला आणि फळ या पिकांसाठी अचूक पाणी पुरवठा देता येतो. तसेच उद्याने आणि सजावटीच्या वनस्पतींसाठी जिथे सौम्य तसेच कमी पाण्याची आवश्यकता लागते तिथे या प्रणालीचा उपयोग होतो.