sandeep Shirguppe
कोल्हापूर जिल्ह्यातील जोतिबा डोंगरावर जून -जुलै महिन्यात दरवर्षी पठारावर, जंगलात व शिवारात रानभाज्या उगवतात.
याबाबत मागच्या तीन, चार वर्षांपासून या रानभाज्यांची ओळख कोल्हापुरातील निसर्गमित्र संस्थेकडून करून दिली जाते.
महिलांना जोतीबा आणि पन्हाळ्याच्या पठारांवर उगवणाऱ्या रानभाज्यांची ओळख तसेच त्या कशा प्रकारे शिजवायच्या याची माहिती देते.
कोरोनाकाळात रानभाज्यांना मोठे महत्त्व प्राप्त झाले. तेव्हापासून दरवर्षी पावसाळ्यात त्यांची चव चाखण्यासाठी निसर्गमित्र पर्यटक व जाणकार मंडळी डोंगर पठारावर गर्दी करतात.
जोतिबा डोंगर, पोहाळे, कुशिरे गिरोली, दाणेवाडी परिसरातील डोंगर पठार व शिवारामध्ये अनेक रानभाज्या आढळतात.
मोरशेड, गुळवेल, टाकळा, पाथरी, तेरडा, केना, पोळी, अंबुशी, आघाडा, हादगा, कुई, काटेमाठ, रानमोहर, फांजी या प्रकारच्या पंचवीसहून अधिक रानभाज्या सापडतात.
पर्यटक व जोतिबा डोंगरावर येणारे भाविक रविवारी सुटीदिवशी डोंगर पठाराला भेट देऊन रानभाज्या घेऊन जातात. पोहाळे, जोतिबा परिसरात रानभाज्यांचा मोठा खजिना आहे.
या सर्व रानभाज्या औषधी गुणधर्माच्या आहेत. त्या अरोग्यासाठी उपयुक्त असल्याची माहिती निसर्गमित्र संस्था कोल्हापूरचे अनिल चौगुले यांनी माहिती दिली.
या रानभाज्यांची माहिती महिलांना व्हावी यासाठी निसर्गमित्र संस्थेने अगदी रानभाज्या शोधण्यापासून त्याची भाजी कशी करायची हे सांगितले जाते.