Swarali Pawar
अझोला ही पाण्यावर वाढणारी शेवाळासारखी वनस्पती आहे. ती प्रथिने, खनिजे आणि जीवनसत्त्वांनी समृद्ध असते.
अझोलासाठी अर्धा सूर्यप्रकाश आणि २०–२८°C तापमान योग्य असते. उन्हाळ्यात हिरव्या चाऱ्याचा मोठा आधार अझोला ठरतो.
कमी खर्चात, कमी जागेत अझोला लवकर तयार होतो. गाई-म्हशींसाठी उत्तम पूरक हिरवा चारा मिळतो.
घराशेजारी छोट्या हौदात किंवा अंगणात अझोला तयार करता येतो. २×२ मीटर प्लास्टिक शीटवर आधारित बेड पुरेसा असतो.
प्लास्टिक शीटवर माती, शेण-सुपर फॉस्फेट स्लरी व पाणी टाकावे. शेवटी शुद्ध अझोला कल्चर पसरवावे.
दर ५ दिवसांनी शेण व सुपर फॉस्फेट द्यावे. आठवड्यातून एकदा सूक्ष्म अन्नद्रव्ये मिसळावीत.
१०-१५ दिवसांत बेड भरतो आणि काढणी सुरू होते. दररोज ५००-६०० ग्रॅम अझोला मिळतो.
काढलेला अझोला स्वच्छ पाण्याने धुवून खाऊ घालावा. यामुळे वास कमी होतो आणि चव चांगली लागते.