Team Agrowon
देशातील इथेनॉल उत्पादकांनी तेल कंपन्यांबरोबर मार्चच्या मध्यापर्यंत ४९६ कोटी लिटर इथेनॉलचे करार केले आहेत. त्यापैकी १४९ कोटी लिटरची प्रत्यक्षात खरेदीही कंपन्यांनी केली आहे.
उत्तर प्रदेशने सर्वाधिक ८२ कोटी लिटरचे, तर या खालोखाल महाराष्ट्राने ६७ कोटी लिटरचे करार केले आहेत.
डिसेंबर २२ ते ऑक्टोबर २३ अखेर ६०० कोटी लिटरची गरज इंधनामध्ये मिश्रण करण्यासाठी आहे. पेट्रोल मध्ये इथेनॉल मिश्रण करण्याचे देशाचे सरासरी प्रमाण ११.५३ टक्के इतके आहे.
यंदा केंद्राने इथेनॉल निर्मितीला प्रोत्साहन दिल्याने अनेक कारखाने इथेनॉल निर्मितीकडे वळले. पुरवठा केलेल्या १४९ कोटी लिटर पैकी ८२ कोटी लिटर इथेनॉल उसाच्या रसापासून तयार केले आहे.
४२ कोटी इथेनॉल बी हेवी मोलॅसिसपासून तयार केलेल्या इथेनॉलचे आहे.
८२ कोटी लिटर इथेनॉल तयार करण्यासाठी १२ लाख टन साखर वळविण्यात आली. ४२ कोटी इथेनॉलसाठी ३.३० लाख टन साखर वळविण्यात आली.
१२ मार्चअखेर केलेल्या करारानुसार उसाच्या रसापासून तयार केलेल्या इथेनॉलचे करार १४२ कोटी लिटरचे, तर बी हेवी मोलॅसिसपासून तयार झालेल्या इथेनॉलचे करार २२० कोटी लिटरचे झाले आहेत.
पेट्रोलमध्ये इथेनॉल मिश्रण करण्याचे प्रमाण केंद्राकडून मोहीम पातळीवर वाढविण्यात येत आहे. २०२३-२४ मध्ये इथेनॉलची मागणी ५०० कोटींवरून ६०० कोटींवर पोचली आहे.