Team Agrowon
कळपातील जनावरांची पैदास क्षमता, उत्पादन क्षमता वाढवण्यासाठी त्यांची आनुवंशिकता माहिती असायला हवी. यासाठी जनावरांची वंशावळ पत्रिका माहित असणे आवश्यक आहे.
कळपातील एकाच प्रजातीतील प्रत्येक जनावराची उत्पादनक्षमता विभिन्न असते. कळपातील उच्च प्रतीच्या पैदासक्षम जनावरांच्या निवडीसाठी नोंदी आवश्यक असतात.
आपल्याच कळपातील जनावरांचा तुलनात्मक अभ्यास करण्यासाठी नोंदी उपयोगी आहेत.
निरोगी जनावर हा या व्यवसायाचा कणा आहे. आपल्या कळपातील निरोगी जनावरे, आजारी जनावरे औषधोपचारांचे नियोजन या गोष्टींचा अभ्यास करण्यासाठी नोंदी आवश्यक ठरतात.
आपल्या गोठ्यातील जनावरांच्या प्रजातीनुसार, त्यांच्या गुणधर्मानुसार नोंदी केल्यास योग्य समतोल राखून नफा मिळवणे शक्य होते.
पशुपालन व्यवसाय करत असताना, जनावरांच्या महत्त्वाच्या म्हणजे प्रजोत्पादन, दूध उत्पादन, औषध उपचार यांसारख्या गोष्टींच्या काटेकोर नोंदी ठेवल्या पाहिजे.