Team Agrowon
सध्या पहिल्या आणि दुसऱ्या टप्प्यातील मोहरानंतर फळधारणा झालेल्या हापूस आंब्याला वाढत्या तापमानाचा फटका बसत आहे.
अशातच तिसऱ्या टप्प्यात आलेल्या मोहरापासून आंबा उत्पादन अडचणीत येण्याची शक्यता आहे.
तिसऱ्या टप्प्यातील मोहोराच्या आंब्याचे उत्पादन मे अखेर किंवा जूनच्या सुरूवातील येण्याचा अंदाज आहे.
मात्र या आंब्याचे पावसामुळे नुकसान होण्याची शक्यता असल्याने शेतकरी चिंतेत आहेत.
या वर्षी पहिल्या टप्प्यात १५ ते २० टक्के, दुसऱ्या टप्प्यात २५ टक्के, तर तिसऱ्या टप्प्यात ५० ते ६० टक्के मोहर आला.
पहिल्या टप्प्यातील मोहर नोव्हेंबर, डिसेंबर, दुसऱ्या टप्प्यातील मोहर जानेवारी, तर तिसऱ्या टप्प्यात मोहर फेब्रुवारी महिन्यात आला.
पहिल्या टप्प्यातील आंब्याच्या काढणीला काही भागात सुरुवात झाली असून दुसऱ्या टप्प्यातील आंबा मार्च अखेरपर्यंत येईल.