Anuradha Vipat
वाढलेले वजन आणि पोटाभोवतीची जिद्दी चरबी कमी करण्यासाठी पेरूच्या पानांचा चहा हा एक अत्यंत प्रभावी आयुर्वेदिक उपाय आहे.
हा चहा शरीरातील चयापचय क्रिया जलद करतो आणि स्टार्चचे साखरेत रूपांतर होण्यापासून रोखतो, ज्यामुळे वजन नैसर्गिकरीत्या कमी होते.
ताजी पेरूची पाने,पाणी,आल्याचा तुकडा,लिंबाचा रस,मध किंवा गूळ.
पेरूची ताजी पाने पाण्याने २-३ वेळा स्वच्छ धुवून घ्या, जेणेकरून त्यावरील धूळ किंवा माती निघून जाईल. एका गॅसवर पात्रात दीड ते दोन ग्लास पाणी गरम करण्यासाठी ठेवा.
पाण्याला पहिली उकळी आल्यानंतर, पेरूची पाने हाताने थोडे तोडून पाण्यात टाका. सोबतच किसलेले आलेही टाका. पाणी निम्मे होईपर्यंत हे मिश्रण चांगले उकळू द्या.
चहा व्यवस्थित उकळल्यानंतर गॅस बंद करा आणि चहा गाळणीने कपामध्ये गाळून घ्या. या कोमट चहामध्ये अर्धा चमचा लिंबाचा रस आणि चवीनुसार थोडे मध किंवा गूळ मिक्स करा. तुमचा औषधी पेरूच्या पानांचा चहा तयार आहे!
हा चहा रोज सकाळी रिकाम्या पोटी पिणे सर्वात जास्त फायदेशीर ठरते. यामुळे शरीराचे मेटाबॉलिझम सकाळीच बूस्ट होते.