sandeep Shirguppe
सध्या पेरूचे उत्पादन वाढल्याने बाजारात पेरूची विक्री मोठ्या प्रमाणात होत आहे. दरम्यान पेरू खाण्याचे अनेक फायदे आहेत. पेरूत व्हिटॅमीन सी आणि व्हिटॅमीन ए यासारखे पोषकघटक मोठ्या प्रमाणात मिळतात.
पेरूमध्ये शरिराला लागणारे फायबर, मॅग्नेशियम, पोटॅशियम, फोलेट, यासारखे महत्त्वपूर्ण पोषकघटक असतात. पेरूच्या आतील गर हा पांढरा तसेच लाल रंगाचाही असतो. हे दोन्ही पेरू खाल्याने अनेक फायदे मिळतात.
पेरूत व्हिटॅमीन सी असल्याने थकवा जाणवत नाही. तसेच तुम्ही रोज एक पेरू खाल्यास त्वचा तजेलदार राहते. वजन आटोक्यात राहण्यासाठीही याचा उपयोग होतो.
पोट साफ होत नसेल अथवा हृदयाचे आजार, रक्तदाब आणि रक्तातील साखर नियंत्रित राहण्यास मदत होते.
पेरूमध्ये कॅरोटीनोइड्स आणि पॉलीफेनॉल्स या अँटिऑक्सिडंट्ससह उपयुक्त फायटोन्यूट्रिएंट्स असतात. यामुळे शरीरातील पेशींचे फ्री रॅडिकल्समुळे होणारे नुकसान रोखण्यास मदत होते.
पेरूत ग्लायसेमिक इंडेक्स हा अत्यंत कमी असतो यामुळे रक्तातील साखर नियंत्रणात येण्यास मदत होते. त्यामुळे डायबेटिस रुग्णांसाठी पेरू खाणे फायदेशीर असते.
पेरूमध्ये अँटिऑक्सिडंट्समुळे प्रमाण भरपूर असते रक्तदाब, तसेच अतिरिक्त बॅड कोलेस्टेरॉल कमी करण्यास मदत होते. त्यामुळे पेरू खाण्यामुळे रक्तवाहिन्या सुरळीत चालतात.
पेरू खाण्यामुळे काही जणांना ऍलर्जीचा त्रास होऊ शकतो. अधिक प्रमाणात पेरू खाल्ल्यास पचनक्रिया बिघडू शकते. यामुळे पोटदुखी, जुलाब यासारखे त्रास होऊ शकतात. तसेच यामुळे कफ देखील वाढू शकतो.