Team Agrowon
सध्या द्राक्ष बागांमध्ये छाटणीची लगबग सुरु आहे. काही भागात छाटणी उरकलेली आहे. अशा लवकर छाटणी झालेल्या बागेत प्री ब्लूम तर काही ठिकाणी मणी सेटिंगची अवस्था असेल.
घड निघण्याच्या अवस्थेत असलेल्या बागेत पाऊस किंवा पावसाळी वातावरण असल्यास गोळीघड किंवा घड जिरण्याची समस्या येऊ शकते.
बागेत पोंगा अवस्थेत म्हणजेच एक ते दोन पानांच्या अवस्थेत असलेल्या द्राक्ष बागेत एक दिवसानंतर सायटोकायनीनयुक्त संजीवक ६ बीए १० पीपीएम या प्रमाणात फवारा.
त्यानंतर पालाश ०-०-५० अर्धा ते पाऊण ग्रॅम प्रति लिटर पाणी याप्रमाणे फवाराव. या वेळी मुळे चांगली कार्यक्षम असल्यामुळे जमिनीतून पालाश द्यावा.
घडात पाणी साचल्यानंतर पाणी साचल तर घड कुज होण्याची शक्यता असते.
अशा ठिकाणी झिंक, बोरॉन या सूक्ष्म अन्नद्रव्याची अर्धा ग्रॅम प्रमाणे एक फवारणी आणि पालाशची एक ते दीड ग्रॅम प्रति लिटर पाणी या प्रमाणे वेगळी फवारणी करा.
मणी सेटिंगची अवस्था असलेल्या बागेत संजीवकांचा वापर महत्त्वाचा आहे. येथे जीए ३ (४० पीपीएम) आणि सीपीपीयू १ पीपीएम या प्रमाणे फवारणी किंवा घड बुडवावेत.
घडातील मण्याची विरळणी करून घ्यावी. लवकर छाटणीच्या व काळ्या जातीच्या म्हणजेच नानासाहेब पर्पल वाणा सारख्या द्राक्ष बागेत मण्यांची संख्या ७० ते ७५ इतकी राखल्यास घडाला एकसारखा रंग मिळण्यास मदत होईल.