Team Agrowon
शेगांवीचा राणा माहेरी निघाला |संगे संतमेळा भजनी रंगला ||
लक्ष लक्ष कंठातूनी गावूनी अभंग |चंद्रभागा दंग झाली गजानन गजानन ||
पंढरीत चैतन्याचा मोगरा फुलला |शेगांवीचा राणा माहेरी निघाला ||
२२ जून रोजी श्रींचे पालखी सकाळी ७ वाजता श्री क्षेत्र पंढरपूर पायीवारी करीता प्रस्थान झाले..
गजानन महाराज अत्यंत परमोच्च स्थितीला पोहोचलेले ब्रह्मवेत्ते महान संत होते. त्यांचे जीवन मोठे गूढच होते.
विदेही स्थितित वावरणारे गजानन महाराज परमहंस संन्यासी, जीवनमुक्त होते. भक्तांचा उद्धार करण्याची त्यांची एक विशिष्ट शैली होती. काहीच न बोलता ते सर्व काही बोलून जात असत.