Swarali Pawar
हळद हे ८ ते ९ महिन्यांचे पीक असून चांगल्या उत्पादनासाठी योग्य खत व्यवस्थापन गरजेचे आहे. ठिबकद्वारे खत देताना वाढीच्या अवस्थेनुसार मात्रा विभागून दिल्यास अन्नद्रव्यांचा चांगला उपयोग होतो.
प्रति एकर संपूर्ण हंगामात ६० किलो नत्र, ३० किलो स्फुरद आणि ३० किलो पालाश द्यावे. ही मात्रा एकाच वेळी न देता आठवड्यानुसार विभागून फर्टिगेशन करणे फायदेशीर ठरते.
या काळात एकूण ६ किलो नत्र, ६ किलो स्फुरद आणि ३ किलो पालाश द्यावे. दर आठवड्याला ३ किलो नत्र, ३ किलो स्फुरद आणि १.५ किलो पालाश द्या.
हळदीच्या शाकीय वाढीसाठी या काळात ३० किलो नत्र, ९ किलो स्फुरद आणि ६ किलो पालाश द्यावे. दर आठवड्याला ३ किलो नत्र, ९०० ग्रॅम स्फुरद आणि ६०० ग्रॅम पालाश द्या.
कंदांच्या वाढीसाठी या १२ आठवड्यांत १५ किलो नत्र, ९ किलो स्फुरद आणि ९ किलो पालाश द्यावे. दर आठवड्याला १.२५ किलो नत्र, ७५० ग्रॅम स्फुरद आणि ७५० ग्रॅम पालाश द्या.
या सहा आठवड्यांत ९ किलो नत्र, ६ किलो स्फुरद आणि १२ किलो पालाश द्यावे. दर आठवड्याला १.५ किलो नत्र, १ किलो स्फुरद आणि २ किलो पालाश द्या.
आठवड्यानुसार खत दिल्याने अन्नद्रव्यांचा अपव्यय कमी होतो आणि पिकाला गरजेनुसार पोषण मिळते. यामुळे हळदीच्या कंदांची वाढ चांगली होण्यास मदत होते.
ठिबकद्वारे विद्राव्य खते दिल्यास खत थेट पिकाच्या मुळांच्या परिसरात पोहोचते. वाढीच्या अवस्थेनुसार खतांचे नियोजन केल्यास हळदीचे उत्पादन आणि गुणवत्ता सुधारण्यास मदत होते.