Team Agrowon
शेतीला जोडधंदा म्हणून अनेक शेतकरी पोल्ट्री व्यवसायाचा पर्याय निवडतात. मात्र, पोल्ट्री व्यवसायासाठी मोठ्या प्रमाणात गुंतवणुक करावी लागते.
अशावेळी ग्रामीण भागात परसबागेतील कुक्कुटपालन हा एक उत्तम पर्याय आहे.
ग्रामीण आणि शहरी भागांत स्वयंरोजगार उपलब्ध करून देण्यात कुक्कुटपालन व्यवसायाचे अनन्य साधारण महत्त्व आहे.
कुक्कुटपालन व्यवसायात बेरोजगार तरुण, महिलांसह अल्पभूधारक शेतकऱ्यांना रोजगाराच्या उपलब्ध करून देण्याची मोठी क्षमता आहे.
परसबागेतील कुक्कुटपालनामुळे ग्रामीण भागात दैनंदिन गरजा भागविल्या जाऊ शकतात. त्यामुळे हातात खेळता पैसा राहतो.
परसबागेतील कुक्कुटपालनासाठी कमी जागेसह गुंतवणुकही कमी लागते. त्यामुळे बेरोजगार तरुण, शेतमजूर, महिलांसाठी देशी कुक्कुटपालन आर्थिकदृष्ट्या फायदेशीर आहे.
परसबागेतील कुक्कुटपालनासाठी प्रामुख्याने वनराजा, ग्रामप्रिया आणि श्रीनिधी या जातीच्या कोंबड्या पाळल्या जातात.