Anuradha Vipat
त्वचा कोरडी पडणे ही एक सामान्य समस्या आहे, विशेषतः हवामानातील बदलांमुळे किंवा चुकीच्या सवयींमुळे हा त्रास जास्त जाणवतो.
जर तुमची त्वचा सतत कोरडी होत असेल, तर खालील गोष्टी करणे त्वरित टाळा.
खूप गरम पाण्याने अंघोळ केल्यास त्वचेवरील नैसर्गिक तेल निघून जाते, ज्यामुळे त्वचा अधिक कोरडी आणि खडबडीत होते.
ज्या साबणामध्ये जास्त प्रमाणात केमिकल्स, सेंट किंवा कडक अँटी-बॅक्टेरियल घटक असतात, ते त्वचेचा ओलावा हिरावून घेतात.
अंघोळ झाल्यानंतर त्वचा पूर्ण कोरडी होण्याची वाट पाहू नका. त्वचा किंचित ओलसर असतानाच जाडसर मॉइश्चरायझर किंवा बॉडी लोशन लावा.
केवळ वरून क्रीम लावल्याने त्वचा सुधसरत नाही, तर शरीराला आतून हायड्रेट ठेवणे गरजेचे आहे. दिवसातून कमीत कमी ८ ते १० ग्लास पाणी नक्की प्या.
अंघोळीनंतर टॉवेलने त्वचा जोरात घासून पुसू नका. यामुळे त्वचेवर रॅशेस येऊ शकतात आणि कोरडेपणा वाढतो.