Team Agrowon
संतश्रेष्ठ श्री ज्ञानेश्वर महाराज यांचे मोठे बंधू निवृत्तीनाथ महाराजांची पालखी तीन दिवसांपूर्वी त्रंबकेश्वरहून पंढरपूरच्या दिशेने निघाली.
पहाटे निवृत्तीनाथ महाराज समाधी मंदिरात पूजा विधी झाल्यानंतर, पालखी सजवण्यात आली.
सनई चौघडे आणि टाळ-मृदुंगाचा गजर, मुखी विठू नामाचा गजर अशा भक्तिमय वातावरणात पालखी पंढरपूरच्या दिशेने निघाली.
राज्याच्या कानाकोपऱ्यातून हातात असलेले भगवे ध्वज घेऊन वारकरी दिंडीत सहभागी झाले आहेत.
जवळपास 25 हजाराहून अधिक वारकरी, भाविक या पायी दिंडी पालखी सोहळ्यात सहभागी झाले आहे.
या प्रवासामध्ये अनेक अध्यात्मिक कार्यक्रमांसह गोल रिंगण आणि उभे रिंगण देखील पार पडणार आहे.
हा पालखी सोहळा नाशिक, राहुरी, अहमदनगरमार्गे वाखरीत पोहोचणार आहे.
निवृत्तीनाथ महाराजांची पालखी जवळपास ४८० किलोमीटरचा २७ दिवसांचा प्रवास करत पंढरपूरमध्ये पोहोचणार आहे.