sandeep Shirguppe
सध्या सीताफळाचा सिझन सुरू आहे. हे फळ बऱ्यापैकी डोंगरी भागात हमखास मिळते. याचबरोबर तुमच्या परसबागेतही सीताफळाचे झाड लावू शकता.
सीताफळाचे दरही कमी असल्याने सर्वांना उपयुक्त म्हणून याचा उपयोग होतो. याचबरोबर त्याचे फायदे तुम्ही वाचले तर आवर्जून खाल.
सीताफळ हा पोषक घटकांचा खजिना म्हणून ओळखतात, व्हिटॅमिन सी आणि अँटी-ऑक्सीडंट्स समृद्ध असल्याने हे अॅलर्जीचे संरक्षण करते.
सीताफळ हृदयाचे आरोग्य सुधारण्यास मदत करते. भरपूर मॅग्नेशियम आणि पोटॅशियम असल्याने हृदयविकाराच्या धोका कमी होतो.
सीताफळमध्ये व्हिटॅमिन सी, व्हिटॅमिन बी ६ मुबलक प्रमाणात असते. व्हिटॅमिन सी रोग प्रतिकारशक्ती मजबूत करण्यात मदत होते.
सीताफळमध्ये पोटॅशियम आणि मॅग्नेशियम प्रमाण अधिक असते, यामुळे मधुमेह, उच्च आणि निम्न बीपी नियंत्रणास मदत होते.
दात किंवा हिरड्यांना त्रास होत असेल तर सीताफळ तुमच्यासाठी फायदेशीर ठरू शकते. रोज एक सीताफळ खाल्ल्याने दात आणि हिरड्यांना त्रास कमी होतो.
कोलेस्टेरॉल नियंत्रित करण्यासाठी सीताफळचे सेवन उपयुक्त ठरेल. सीताफळचे सेवन केल्यास कोलेस्टेरॉलची पातळी नियंत्रणात राहू शकते.
गरोदरपणात दररोज सीताफळ घेतल्यास गर्भपात होण्याचा धोका कमी होतो. सीताफळ न जन्मलेल्या मुलाच्या आरोग्यासाठी चांगले मानले जाते, हे बाळाच्या मेंदूच्या विकासास देखील उपयुक्त ठरू शकते.