Team Agrowon
टोमॅटोला सध्या मातीमोल दर मिळत असल्याने शेतकरी हवालदिल झाले आहेत.
लागवडीपश्‍चात आता फळतोडणी सुरू झाली असताना तोडणी केलेला माल बाजारात न्यायलासुद्धा परवडत नाही, अशी बिकट परिस्थिती आहे.
नाशिक येथील समाधान कडू आहेर या शेतकऱ्याने टोमॅटोच्या उभ्या पिकात मेंढ्या आणि जनावरे चरायला सोडली आहेत.
समाधान आहेर यांनी दोन एकरमध्ये दोन लाख रुपये खर्च करत टोमॅटोची लागवड केली होती. मात्र सुरवातीला दीडशे रुपयांपर्यंत बाजारभाव मिळाला.
पहिल्या-दुसऱ्या तोड्यालाच चाळीस ते पन्नास रुपये बाजारभाव मिळू लागल्याने उद्विग्न होत श्री. आहेर यांनी फळ तयार असलेल्या पिकात मेंढ्या, तसेच जनावरांना चारावयास सोडून दिले.
टोमॅटोचा बाजारभाव गडगडल्याने शेतकरी हवालदिल झाला आहे.
टोमॅटोच्या एका क्रेटला बाजारात नेण्यासाठी तोडणीकरिता २५ रुपये, हाताळणी व प्रतवारीसाठी वीस व वाहतूकखर्च पंधरा ते वीस रुपये, असा सर्वमिळून साधारणतः ६५ ते ७० रुपये खर्च होतो.
काही शेतकऱ्यांची खर्चाची देखील तोंडमिळवणी होत नसल्याने पीक सोडून देण्याशिवाय त्यांच्यापुढे पर्याय नाही.