Mahesh Gaikwad
उपमुख्यमंत्री अजित पवार हे राज्याच्या राजकारणातील मोठे नाव असले, तरी त्यांची ग्रामीण भागाशी नाळ जुळलेली असल्याचे अनेकदा पाहायला मिळते.
राज्याच्या राजकारणात काम करत असताना उपमुख्यमंत्री म्हणून अजित पवारांची प्रशासनावरील पकड हाही कायम चर्चेचा विषय राहिला आहे.
नुकतीच अजित पवार यांनी पशुसंवर्धन व दुग्धशास्त्र विभागाच्या पुणे कृषी महाविद्यालयाच्या देशी गाय संशोधन व प्रशिक्षण केंद्राला भेट दिली.
यावेळी अजित पवार यांनी या केंद्राच्या माध्यमातून सुरू असलेल्या कामाची माहिती घेतली.
देशी गाय संशोधन प्रकल्पाचे प्रमुख शास्त्रज्ञ डॉ. सोमनाथ माने यांनी प्रकल्पाची माहिती अजित पवार यांना दिली.
यावेळी प्रकल्पात नव्याने दाखल झालेल्या पुंगनूर जातीच्या गायींची पाहणी पवार यांनी केली.
छोट्या उंचीच्या या गायींची पाहणी करत देशी गायीच्या या प्रजातीची माहिती अजित पवार यांनी घेतली, तसेच त्यांना चाराही खाऊ घातला.