Anuradha Vipat
हिवाळ्यात आंघोळ करताना खूप गरम पाण्याचा वापर करणे, जास्त वेळ आंघोळ करणे आणि आंघोळीनंतर लगेच मॉइश्चरायझर न लावणे यांसारख्या चुका टाळाव्यात.
थंडीच्या दिवसांत हवा कोरडी असते आणि या चुकांमुळे त्वचेतील नैसर्गिक ओलावा नष्ट होऊन त्वचा अधिक कोरडी, निस्तेज आणि खाज येणारी बनते.
कडाक्याच्या थंडीत गरम पाण्याने आंघोळ करणे आरामदायी वाटते, पण अतिगरम पाणी त्वचेवरील नैसर्गिक तेल पूर्णपणे काढून टाकते.
हिवाळ्यात १० ते १५ मिनिटांपेक्षा जास्त वेळ पाण्याखाली राहिल्याने त्वचेचा बाहेरील संरक्षक थर कमकुवत होतो.
जास्त केमिकल्स, अल्कोहोल किंवा तीव्र सुगंध असलेले साबण आणि बॉडी वॉश हिवाळ्यात त्वचेला अधिक कोरडे आणि संवेदनशील बनवतात.
मृत त्वचा काढण्यासाठी रोज लूफा किंवा स्क्रबने अंग जोरात घासल्यास हिवाळ्यात त्वचेवर सूक्ष्म ओरखडे येतात आणि खाज किंवा लालसरपणा वाढतो.
आंघोळीनंतर खरखरीत टॉवेलने अंग जोरात घासून पुसल्याने नाजूक त्वचेची जळजळ होऊ शकते.