Aslam Abdul Shanedivan
सोमवारी (ता.२२) संध्याकाळी राष्ट्रपती भवनात पुरस्कार वितरण समारंभ पार पडला. यावेळी राष्ट्रपती द्रौपदी मुर्मू यांनी पद्मविभूषण, पद्मभूषण आणि पद्मश्री पुरस्कार प्रदान केले.
यावेळी मुर्मू यांनी ३ पद्मविभूषण, ८ पद्मभूषण आणि ५५ पद्मश्री असे पुरस्कार प्रदान केले. यावेळी पंतप्रधान नरेंद्र मोदी, गृहमंत्री अमित शाहांसह इतर मान्यवर उपस्थित होते.
यावेळी २०२४ साठी ५ जणांना पद्मविभूषण, १७ जणांना पद्मभूषण आणि १११ जणांना पद्मश्रीची घोषणा करण्यात आली होती.
तसेच राष्ट्रपती मुर्मू यांनी माजी उपराष्ट्रपती एम व्यंकय्या नायडू, बिंदेश्वर पाठक (मरणोत्तर), कोनिडेला चिरंजीवी, वैजयंतीमाला बाली आणि पद्मा सुब्रमण्यम यांना पद्मविभूषण देऊन सन्मानित केले.
यावेळी विविध क्षेत्रातील ३० महिलांचा पद्म पुरस्कार देऊन सन्मान करण्यात आला
तसेच नऊ व्यक्तींना मरणोत्तर पद्म पुरस्कार सन्मानित करण्यात आले आहे.
यावेळी मिथुन चक्रवर्तींसह १७ जणांना पद्मभूषण पद्मभूषणने सन्मानित करण्यात आले.