Team Agrowon
कळमना बाजार समितीत संत्र्याला २६ ते ३२ हजार रुपयांचा दर मिळतोय.
तर अमरावती जिल्ह्यातील खासगी मंडीमध्ये ३० ते ३७ हजार रुपये प्रति टन असा दर मिळत आहे.
सध्या मृगाच्या फळांचा हंगाम सुरू असल्याने कळमना बाजारात आवक वाढली आहे.
सात फेब्रुवारीच्या दरम्यान बाजारातील आवक ३००० क्विंटलवर पोहोचली, तर दर ३५ ते ४५ हजार रुपये असे होते.
१८ फेब्रुवारीपासून मात्र आवक २५०० क्विंटल आणि दर ३० ते ३७ हजार रुपयांपर्यंत आले.
सध्या बाजारात २६ ते ३२ हजार रुपये या दराने संत्र्याची विक्री होत आहे.
या वर्षी वातवरणातील बदलाच्या परिणामी एक ते दीड लाख टन संत्रा फळांच्या उत्पादकतेचा अंदाज आहे.