Roshani Gole
आपल्याकडे सर्वसाधारणपणे गायीच्या दुधात ३.५ टक्के फॅट तर म्हशीच्या दुधात ५ टक्के फॅट प्रमाणित धरले जाते.
जनावरांची आनुवंशिकता किंवा जात स्निग्धांशाच्या दृष्टीने महत्त्वाची आहे.जर्सी गायीच्या दुधातील फॅटचे प्रमाण पाच टक्के, तर हॉलस्टीयन फ्रिजीयन गायीच्या दुधात ३ ते ३.५ टक्के फॅट आढळून येते.
जनावरांना दिला जाणारा आहार संतुलित असणे गरजेचे आहे. जनावरांच्या आहारात ऊसाचा जास्त वापर केल्यास, जनावरांच्या आहारातील साखरेचे प्रमाण वाढून दुधातील फॅटचे प्रमाण कमी होते.
सर्वसाधारणपणे आपल्याकडे दिवसातून दोन वेळेस धार काढली जाते. दूध काढण्याच्या या दोन्ही वेळेचा दूध उत्पादन व फॅटशी खूप जवळचा संबंध असतो.
दूध काढताना सुरुवातीच्या धारांमध्ये स्निग्धांशाचे प्रमाण साधारणपणे एक टक्का, तर शेवटच्या धारांमध्ये हे प्रमाण दहा टक्‍क्‍यांपर्यंत असते. त्यामुळे कासेतील पूर्ण दूध काढून घेण गरजेचं आहे.