Pune News: राज्यात तापमानाचा वणवा पेटल्याने उष्ण झळा असह्य होत आहेत. उन्हाचा चटका तापदायक ठरत असतानाच पावसाला पोषक हवामान होत आहे. आज (ता. १३) मराठवाडा आणि मध्य महाराष्ट्रात वादळी पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात ढगाळ हवामानासह उष्ण व दमट हवामानाचा अंदाज आहे.

मध्य प्रदेश आणि परिसरावर समुद्र सपाटीपासून ९०० मीटर उंचीवर चक्राकार वारे वाहत असून, त्यापासून छत्तीसगड, तेलंगणापर्यंत हवेचा कमी दाबाचा पट्टा सक्रिय आहे. पावसाला पोषक हवामान असल्याने राज्याच्या काही भागांत अंशतः ढगाळ आकाश आहे. कमाल तापमानात चढ-उतार होत असला तरी उन्हाचा चटका कायम आहे.

शनिवारी (ता. १२) सकाळपर्यंतच्या २४ तासांमध्ये अकोला पाठोपाठ चंद्रपूर, यवतमाळ, मालेगाव आणि धुळे येथे ४२ अंशांपेक्षा अधिक तर परभणी, अमरावती आणि नागपूर येथे ४१ अंशांपेक्षा अधिक, तसेच जळगाव, जेऊर, निफाड, सोलापूर, गडचिरोली, वर्धा आणि वाशीम येथे ४० अंशांपेक्षा अधिक तापमानाची नोंद झाली.

आज (ता. १३) मराठवाड्यातील छत्रपती संभाजीनगर, जालना, बीड, मध्य महाराष्ट्रातील सोलापूर जिल्ह्यात वादळी वाऱ्यासह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. तसेच जळगाव, अहिल्यानगर, सांगली, परभणी, हिंगोली, धाराशिव, लातूर, नांदेड जिल्ह्यांत तुरळक ठिकाणी विजांसह पावसाची शक्यता आहे. उर्वरित राज्यात अंशतः ढगाळ आकाशासह उष्ण व दमट हवामानाचा अंदाज हवामान विभागाने वर्तविला आहे.

शनिवारी (ता. १२) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३८.१---२१.७

अहिल्यानगर---३८.९---१७.७

धुळे---४२.०---१९.०

जळगाव---४०.७---२३.८

जेऊर---४०.५---२१.०

कोल्हापूर---३६.२---२३.३

महाबळेश्‍वर---३०.२---१७.१

मालेगाव---४२.२---२२.२

नाशिक---३६.८---२०.०

निफाड---४०.५---१७.८

सांगली---३७.२---२३.१

सातारा---३८.२---२१.१

सोलापूर---४०.०---२५.५

सांताक्रूझ---३४.७---२५.६

डहाणू---३७.५---२५.०

रत्नागिरी---३३.०---२५.१

छत्रपती संभाजीनगर---३९.६---२४.२

धाराशिव---३९.४---२२.६

परभणी---४१.०---२४.५

परभणी (कृषी)---४०.२---१९.४

अकोला---४२.८---२५.४

अमरावती---४१.६---२४.४

भंडारा---३९.०---२४.०

बुलडाणा---३८.८---२३.८

चंद्रपूर---४२.४---निरंक

गडचिरोली---४०.०---२१.४

गोंदिया---३९.२---२४.६

नागपूर---४१.६---२६.५

वर्धा---४०.०---२५.४

वाशीम---४०.४---निरंक

यवतमाळ---४२.०---२४.४

सरासरी तापमान (अंश से.)

विभाग---किमान---कमाल

विदर्भ---२१.४---४२.८

मराठवाडा---१९.४---४१.०

पश्‍चिम महाराष्ट्र---१७.१---४०.५

उत्तर महाराष्ट्र---१७.४---४२.२

कोकण---२५.०---३७.५

वादळी पावसाचा इशारा (येलो अलर्ट) :

छत्रपती संभाजीनगर, जालना, बीड, सोलापूर.

४२ अंशांपेक्षा अधिक तापमान असलेली ठिकाणे :

अकोला ४२.८, चंद्रपूर ४२.४, मालेगाव ४२.२, धुळे ४२, यवतमाळ ४२.