Green chilli market rate: पाऊस सुरु झाल्यापासून राज्यातील बाजारात हिरव्या मिरचीची आवक दिवसागणिक कमी होत आहे. सध्या राज्यातील बाजारात हिरव्या मिरचीला प्रतिक्विंटल सरासरी ५ हजार ते ७ हजार रुपये भाव मिळत आहे. वाढती आयात आणि देशातील बाजारातील आवक यामुळे उडदाचे भाव दबावात आहेत. बाजारात सध्या उडीद ६ हजार ते ६ हजार ५०० रुपयाने विकला जात आहे. केळीला बाजारात सध्या चांगला दर मिळत आहे. किरकोळ बाजारात केळी ३० रुपये ते ७० रुपये प्रतिडझन मिळत आहे. तर घाऊक बाजारात सध्या केळीला १८०० ते २२०० रुपयांच्या दरम्यान भाव मिळत आहेत. डाळिंबाचे दर तेजीत आहेत. डाळिंबाला उठाव चांगला असला तरी पुरवठा कमी आहे. डाळिंबाला आज सरासरी ७ हजार ते ९ हजार रुपये प्रतिक्विंटलच्या दरम्यान भाव मिळाला. गवारच्या भावात मागील २ आठवड्यांमध्ये काहीसे चढ उतार पाहायला मिळाले. सध्या राज्यातील बाजारांमध्ये गवारला सरासरी ५ हजार ते ७ हजार रुपयांच्या दरम्यान भाव आहेत.