चौंडी येथील स्मृतीस्थळाच्या जतन आणि संवर्धनासाठी ६८१ कोटी रुपयांच्या आराखड्यास मान्यता देण्याचा निर्णय मंगळवारी (ता.६) मंत्रिमंडळ बैठकीत घेतल्याची माहिती मुख्यमंत्री देवेंद्र फडणवीस यांनी पत्रकार परिषदेत दिली. या बैठकीसाठी उपमुख्यमंत्री अजित पवार आणि उपमुख्यमंत्री एकनाथ शिंदे यांच्यासह मंत्री उपस्थित होते. या बैठकीत शेतकरी कर्जमाफीचा निर्णय घेतला जाईल, अशी आडाखे बांधण्यात येत होते. परंतु राज्य सरकारने शेतकरी कर्जमाफीबद्दल निर्णय घेतला नाही. त्यामुळे पुन्हा एकदा शेतकऱ्यांच्या पदरात निराशा पडली आहे.