बाजारातील कांद्याची आवक चांगली सुरु आहे. काही बाजारांमध्ये अवकाळी पावसामुळे आवकेवर परिणाम दिसत आहे. कांद्याला सरासरी बाजारात सरासरी ९०० ते ११०० रुपयांच्या दरम्यान भाव मिळत आहेत. टोमॅटोचा भाव दबावातच आहे. बाजारातील टोमॅटोची आवक सुरळीत सुरु आहे. राज्यातील बाजारात सध्या टोमॅटोला प्रतिक्विंटल सरासरी ७०० ते ११०० रुपयांचा भाव मिळत आहे. बाजारात ढोबळी मिरचीची आवक स्थिरावलेली दिसत आहे. सध्या ढोबळ्या मिरचीला प्रतिक्विंटल सरासरी ३ हजार ते ४ हजार रुपयांच्या दरम्यान भाव मिळत आहे.
देशातील बटाटा उत्पादन यंदा वाढले आहे. मात्र बाजारातील बटाट्याचा पुरवठा मागील काही आठवड्यांपासून काहीसा स्थिरावला. सध्या बाजारात बटाट्याला प्रतिक्विंटल सरासरी १ हजार ५०० ते १ हजार ७०० रुपयांचा भाव मिळत आहे. कापसाच्या भावात मागील काही दिवसांपासून चढ उतार सुरु झाले आहेत. कापसाचा भाव मागील काही आठवड्यांपासून ७ हजार ५०० ते ७ हजार ८०० रुपयांच्या दरम्यान आहेत.