Pune News : पुणेकरांना दिवसेंदिवस वाहतूक कोंडीला तोंड द्यावे लागत आहे. येथे होणाऱ्या वाहतूक कोंडीमुळे अनेकांना त्रास सहन करावा लागत आहे. त्यामुळे पीएमआरडीएच्या माध्यमातून विविध रस्त्यांचा विकास आणि महा मेट्रोच्या माध्यमातून मेट्रोचे जाळे विकसित केले जात आहे. सध्या शहरातील दोन महत्त्वाच्या मार्गांवर मेट्रो सुरू आहे. ज्यात पिंपरी चिंचवड महापालिका ते सिविल कोर्ट आणि वनाज ते रुबी हॉल क्लिनिक या मार्गांवर मेट्रो सुरू आहे.
रुबी हॉल ते रामवाडी या मार्ग
याचदरम्यान आता पुणेकरांसाठी नवी खुशखबर आली असून लवकरच रुबी हॉल ते रामवाडी या मार्गावर देखील मेट्रो धावणार आहे. त्यामुळे येथील होणाऱ्या वाहतूक कोंडीचा प्रश्न निकाली लागणार आहे.
गर्ग यांच्याकडून हिरवा कंदील
रुबी हॉल ते रामवाडी या मार्गाचे काम पूर्ण झाले असून त्याची तपासणी मेट्रो रेल्वे सुरक्षा आयुक्तांच्या पथकाने गेल्या आठवड्यात केली होती. त्यानंतर आता केंद्रीय मेट्रो रेल्वे सुरक्षा आयुक्त जनककुमार गर्ग यांच्याकडून देखील याची तपासणी केली जात आहे. शुक्रवार ( ता. १९ रोजी) पासून गर्ग यांच्याकडून या मार्गाची अंतिम तपासणी केली जात असून त्यांच्याकडून हिरवा कंदील दिल्यानंतर याबाबत राज्य सरकारला पत्रव्यवहार केला जाईल. तर त्यानंतरच राज्य सरकारकडून हा मार्ग सुरू करण्याची तारीख ठरवली जाणार आहे.
प्रवेशद्वाराच्या रचनेत बदल
गेल्या वर्षी येरवडा स्थानकाच्या जिन्यांमुळे हे काम रखडले होते. पण महापालिकेच्या सूचनेनुसार महामेट्रोने येरवडा स्थानकाच्या प्रवेशद्वाराच्या रचनेत बदल करत हे काम तडीस नेले आहे. त्यानंतर आता या मार्गाचे काम पूर्ण झाले आहे.
केंद्राकडे प्रस्ताव
दरम्यान स्वारगेट ते कात्रज या प्रस्तावित मेट्रोमार्गासंदर्भात देखील मोठी बातमी आली आहे. याबाबत प्रस्ताव महामेट्रोने राज्य शासनाकडे पाठवला होता. त्यास राज्य शासनाने मान्यता देत केंद्राकडे प्रस्ताव मंजुरीसाठी पाठवला होता. त्यास ही केंद्रातील सार्वजनिक गुंतवणूक मंडळांनी तत्वता मंजुरी दिली आहे.
संपूर्ण भुयारी मेट्रो मार्ग
तर हा प्रस्ताव केंद्रीय मंत्रिमंडळाच्या बैठकीत मंजुरीसाठी पुढे जाणार असून मंजुरी मिळेल अशी आशा आहे. तर यास मंजुरी मिळाल्यानंतर काम सुरू होऊ शकेल. स्वारगेट ते कात्रज हा मेट्रो मार्ग संपूर्ण भुयारी असून तो ५.४ किलोमीटर लांबीचा असेल. ज्यात तीन मेट्रो स्टेशन असतील. तर या मार्गामुळे स्वारगेट ते कात्रज दरम्यानचा प्रवास गतिमान होईल.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.