Solapur News: बार्शीचे माजी आमदार राजेंद्र राऊत यांनी बार्शी तालुक्यातील विविध गावांतील सुमारे ५० शेतकऱ्यांना सोबत घेऊन नुकतीच निमगाव टें (ता. माढा) येथील विठ्ठलगंगा फार्मर प्रोड्यूसर कंपनीला भेट दिली. यावेळी द्राक्ष व केळी बागेची पाहणी केली.

यावेळी श्री. राऊत यांनी विठ्ठलगंगा  कंपनीचे कामकाज संस्थापक अध्यक्ष धनराज शिंदे यांच्याकडून जाणून घेतले. त्यानंतर रमेश शिंदे व धनराज शिंदे यांच्या उपळवाटे येथील द्राक्ष बागेत जाऊन विविध विषयांवर चर्चा केली.

या वेळी कृषिनिष्ठ शेतकरी नितीन कापसे व अनंत कंगले यांच्याकडून द्राक्ष व केळी शेतीची माहिती जाणून घेतली. माजी सरपंच रवींद्र शिंदे यांच्या कंदर येथील केळीच्या बागेची पाहणी केली. यावेळी कृषिनिष्ठ शेतकरी नितीन कापसे , माजी सभापती केशव घोगरे, राजाभाऊ देशमुख,

तालुका कृषी अधिकारी संतोष कोयले, लाला गव्हाणे, डॉ. किरण मांजरे ,अनंत कंगले कृषी अधिकारी सयाजी गायकवाड, राहुल सुरवसे, रमेश पाटील, विभिषण कदम , सुधीर काशीद, अतुल जगताप , गणेश पाटील, सोनू कदम, सोनू पवार, मदन गव्हाणे, केदार काळे, जयदीप तळे, नागनाथ शिंदे, पप्पू शिंदे व बार्शी तालुक्यातील प्रगतशील शेतकरी उपस्थित होते.